إيه يا ست هانم متأخرة ليه؟
الساعة كام في إيدك؟
كل يوم راجعة الساعة 2 و3؟

بنت عمي كل شوية بـ تقوِّم العيلة عليا
"إزاي بنت وتسافر لوحدها؟
بـ تعمل إيه في القاهرة؟
ما ينفعش تسافر لوحدها، وما ينفعش تشتغل في القاهرة".

شفت ميس هدى عملت إيه في سارة؟
كنت بـ كلمها من شباك الأتوبيس، وهى واقفة تحت
قامت ميس هدى لطشاها بالقلم
وبصت لي فوق، وشاورت لي كده، وحلفت تكلم أبويا

أنا أستخدم العَجَلَة كوسيلة مواصلات حباً في الرياضة وتوفيراً للوقت
ولأني أرتدي حقيبة ظهر وملابس واسعة فلا يعتقد من يراني من الخلف أنني فتاة فلا يكترث أحد،
لكن بمجرّد رؤية وجهي تنهال المعاكسات والتحرشات اللفظية

أنا ونهي صحاب من زمان
قبل ما أنا وهى نـتحجب على طول، كنا بـ نحجز شاليه في قرية سياحية
فـرايحين بشعرنا، ولابسين صيفي
مش قادرة أقول لكم المعاملة كانت إزاي
"اتفضلي"، و"تحبي تشربي إيه"

الظابط وهو بـ يحقق معايا بقي يشتم شتيمة وسخة
المهم وهو بـ يشتم الدورة نزلت
بـص كده وقال لي "إيه ده؟؟"
قلت له "نزيف …"

كنت من البنات الـلـي بـ تتحجب في رمضان وأنا صغيرة.
عملت كده في إعدادي وثانوي،
لأن كانوا بـ يقولوا لنا إن مجرد إن راجل يعجب بشعرنا
وإحنا صايمين
ده بـ يبطل صيامنا، وصيامه.

في ابتدائي كان نفسى أنزل تدريب كاراتيه وسباحة،
لكن ماما رفضت؛ لأني بنت، وعيب أروح.
وعَرَضِت الموضوع على أخويا، مع إنه ما كانش عنده أي شغف تجاه الكاراتيه ولا السباحة،
بس هو ولد بقى، وعادي يروح. وفعلًا ما كملش شهر، وبطل يروح.

أيوا حضرتك ليه ممنوع نعرض القصة؟
دي ما فيهاش أي كلام خارج
"الله! مش بـ تتكلمي عن علاقات جنسية قبل الجواز؟"

الجنس، الزواج، الوصمة الاجتماعية

موظف إدارة البعثات لما رفضت أدفع له رشوة، قال لي:
"أنتِ تروحي تعملي تحليل حمل عشان أمشي لك الإجراءات".