بس زي ما يكون حصل لي بركان من الذكريات للتفاصيل الصغيرة
خبطة رأسي في ترابيزة الشاي، وهو بـ يقلبني على الأرض،
وبـ يقلعني الجزمة، وبـ يحط رجلي عنده
ما كنتش عارفة أنا بـ عيط من راسي الـلـي كانت واجعاني جدًا من الخبطة،
ولا من إحساس اللزوجة وهو ماسك رجلي، وقافل عليها.

فاكرة الزق، والرفص، والزعيق
في كل مرة كنت بـ قول لأ، وهو بـ يفضل مكمل
كنت بـ حس في أوقات إني بـ تحول لمخدة
الطريقة الـلـي بـ يغمض عينه بيها
وبـ ينسى وجودي، كانت بـ تـقـتـلـني
وبـ تحسسني إني ولا حاجة
هو هـ يكمل، سواء أنا مستمتعة أو لأ، موجوعة أو لأ
برغبتي أو لأ، هدفه شهوته وبس.
العنف المبني على النوع؛ العنف الجنسي؛ الاغتصاب؛ الذكورية؛ الجنس؛ الجنسانية

مبسوطة إني حرقت دم حسن في المحكمة،
كان واقف وشه أحمر لو وقف عليه دبانة هـ يفرقع.
كنت خايفة في المحكمة،
لما القاضي سألني قولت له مش حاسة بتكافؤ بيني وبينه،
أصل حسن كان شكله أكبر من سنه.
الجلسه اتأجلت بس أنا مبسوطة إني حرقت دمه انهارده.
مع إني كنت خايفة، بس حطيت خوفي علي جنب كده.

س: "كان مين؟"
ج: ا"كن أبويا الروحي"
كان بقالي فترة طويلة بـ دور على شقة
وأحيانا كتير كنت بـ ضطر أبات في مكتبه.

طول الوقت كان التعامل بينا على إنه أبويا
وهو الـلـي رسخ الفكرة دي

بدأت المشاكل من سنة …
عارفة لما واحد يستفزك بكل الطرق علي أساس يزهقك؟
كلام، شتايم، ضرب، حتي العلاقة اللي كانت بيني وبينه ...
مش عارفة أقول إيه،
تحسي إنه زي ما يكون واحد بـ يغتصب واحدة مش واحد نايم مع مراته.

أنا اتعرضت لإعتداء جنسى فى الشارع ومحدش وقف يساعدنى. كان بالليل … كتفونى واعتدوا عليا بالضرب الأول.
وبعد كده كل واحد كان بـ يقف ياخد دوره ... يمسك أو يحط إيده فى حتة.
وفى الآخر لما حد حاول يقفلى كانوا هـ يضربونى تانى وياخدونى معاهم عشان يكملوا فى مكان تانى ..

أبويا كان أول شخص يلمسني،
كنت بـ قول مجرد خيالات،
كنت بـ قول بـ يهزر معايا إنه بـ يلمسني برجله من ورا،
وانا صغيرة كان يحاول يوريني أعضاؤه، يلمس صدري.…
من كام يوم واحنا قاعدين بـ ناكل،
كان قاعد على كرسي عالي ورايا، وشد الأندر بتاعي،

كان عندي 8 سنين، وكنت بـ لعب في الشارع
وكان فيه راجل كبير عنده يـيجي 60 سنة، بـ يبيع عسل
كان كل شهر بـ ييجي يجيب لنا العسل
المرة دي ما كانش فيه حد في البيت

كان جارى فى بيتنا القديم وأكبر منى مش بكتير
اتصحابنا بسرعة أوى وبقينا بـ نقضى وقت كتير نتكلم فى التليفون.
احنا فى بلد ما ينفعش نخرج مع بعض.
فى يوم كلمنى وقالى إنه رجع من الجامعة وهـ يقعد شوية فى بيت أهله
قالى: "عايز أشوفك"

من فترة، كان في هوجة كبيرة على فيس بوك
علشان اغتصاب الأطفال الجماعي في المدرسة،
الأولاد كانوا بـ يتلموا غصب مع بعض في مكان
مرة قالوا السطوح، ومرة مسرح المدرسة
من كتر الكلام والكتابة، ما كانش واضح أوي إيه الـلـي حصل.