صلينا ودخلنا الأوضة وقعد هداني شوية.
وبعدين قالي البسيلي قميص،
دخلت لبسته بس ما كنتش عايزة أخرج من باب الأوضة وانا لابسة القميص
قالي: "ربنا يهديكي الحاجة دي لازم تخلص انهارده"
العنف الأسري؛ العنف المبني على النوع؛ العنف الجنسي؛ التربية الجنسية؛ الاشتغال بالجنس؛ كشف العذرية

كنت ماشية قدام قهوة
وشايفاهم بـ يحاولوا يعملوا عليا حلقة
ومحدش من القهوة بـ يتحرك
أنا مش عارفة الصوت الـلـي طلع مني طلع إزاي، لكن مشيوا.

ما كُـنـتـش فاهمة ولا مستوعبة غير إني كنت متضايقة جدًا من الـلـي بـ يحصل،
وفي نفس الوقت ما كُـنـتـش بحكي.
المدرس بتاعي الـلـي بـ يعطيني إنجلش.

فضلت فاهمة إن أنا غلطت
غلطت علشان أنا جميلة،
هو مشي ورايا وعمل اللي عمله علشان أنا جميلة

كنا في أولى اعدادي، في مدرسة متشردة خالص اسمها عمر بن الخطاب
وحصل حادثة تحرش بمدرسة في فصل في سنة تالتة
والموضوع اتعرف
هي شافت الطلبة بـ يمارسوا العادة السرية جوا الفصل

كنت صغير لسه، كان عندى 8 سنين لما نزلت الورشة واشتغلت فى الأجازة
ما كانـش فيه نت وهما قـنـاتـيـن فى التليفزيون
فـما كـنــتـش أعرف ولا أفهم حاجة فى موضوع الجنس عامة.
كان معايا شاب 17 سنة
بدأ يكلمنى عن الجنس والعادة السرية والمغريات

أنا كنت قاعدة في الجانب اليمين، والأستاذ على شمالي.
كان بـ يقرا الجرنال، وإيده اليمين تحت الجرنال
وكان فاتح الجرنال كله، لدرجة إن نص الجرنال كان عندي.
قولت عادي، يظهر إني نمت وفردت جسمي غصب عني، وقربت منه
الستارة كانت جنبي مفتوحة
عمل نفسه بـ يفتحها زيادة، وإيده خبطت في صدري.

مش فاكرة كان عندى كام سنة بالظبط، لكن كنت كبيرة كفاية إنى أفهم وأرد ... بس خفت أرد
كنت فى التاكسى لحوالى نص ساعة ما حصلش فيهم حاجة
لما قربنا على الشارع اللى كنت هـ نزل فيه السواق قالى "عايزاه من قدام ولا من ورا؟"

الحمام كان في مكان ضلمة
قولت لبنت خالتي تيجي معايا
وهو قال: "هـ آجي معاكم علشان المكان ضلمة".
دخلت الحمام
وفاكرة إنه قال لي أسيب الباب مفتوح علشان ما أخافش

كنت في المترو، والدنيا زحمة أوي
وكنت لسه في أولى ثانوي
واحد وقف ورايا، ولزق فيا جدًا
من كتر الارتباك ما فـتحـتـش بوقي.