بس بـ قولك إيه، سـيـبـيـه هو يـ تصرف، آه
أوعي تقولي له آه ولأ
الست عندنا ما بـ تـتـكـلـمـش في الحاجات دي
بـ تقول حاضر، ونعم بس.

أنا عندى أخوات بنات
آه حاببهم يكونوا في حياتي وبتاع
بس في نفس الوقت، ما كـنـتـش حابب إن يكون ليا أخوات بنات
بسبب المجتمع الـلـي إحنا فيه

ما ينفعش تبقي متنكدة، ونكدية، وقالبة وشك
انت إيه؟ ما بـ تشوفيش بنات؟
مين هـ يطيق يبص في وشك وهو بالمنظر ده؟
يا بنتي اتعلمي: مهما كنتي متضايقة، ده ما يبانش عليكي

الوالدين، الزواج، الضغوط الاجتماعية

في حياة كل واحدة مننا طنط نعمات
ونفس الجمل بـ تتقال في مناسبات مختلفة
"يا بنتي بقى، ما تشدي حيلك"
"هي الرجالة اتعمت؟"
"إن شاء الله السنة اللي جاية تبقي في بيتك".

كنت تقريبا بين ٩ و١٠ سنين، وكنت في السوق مع خالتي،
وجه راجل أكبر من جدي بكتير وماشي بعكاز، ولمسنى من ورا،
لا وفضل يلف في السوق عشان يلمس بنات أكتر.
بصيت له بقرف وبغيظ، وبصلي وكأنه بـ يقولي وانت هـ تعملي إيه يا عيلة.
وطبعا ما قدرتش أحكي لأن أهلنا كانوا معرفنا إن ده "عييييب"

دايمًا يقولوا لك الست مننا لازم تستحمل
الست لازم تكتم، وتسكت، وتستحمل، وتشيل

من كام سنة، ولدت أول طفل من ولادي
ومن ساعتها كل ما بـ حاول أصوم ضغطي بـ ينزل جامد لتمانين على خمسين
جوزي وماما وأختي كانوا بـ يقولوا لي أبطَّل أصوم
ده كان بـ يحصل قبل الفطار تقريبا بتلات ساعات

تخيل إنك تكون في فترة المراهقة، وتاخد تريقة في المدرسة كل يوم تقريبًا، وانت في سن الـ 13 بسبب زيادة وزنك،
غير بعض الكلمات السخيفة من الزملاء في المدرسة،
والمدرسين كمان
زي: "إيه يا مجدي؟" و"إيه يا فاشل؟"
غير إني كنت بـ تشبه بالفيل والدبة.

أنا مولودة بعيب في مفاصلى،
بعرف أمشي كويس واجرى وكل حاجة،
بس وانا واقفة بـ ترجع لورا اللي يشوفها يفكرها مقطومة.
أهلى كانوا دايما بـ يقولوا لى: "يا أم ركب"، وأمى كانت بـ تسخر منى قدام أخواتى،
وكانت مفكرة أنا بـ عمل كده بإرادتى، ووصل بيها السخرية إنها قالت لى "اتعدلى يا معوقة "

مرة عرفت إن جارتي الـلـي كانت بـ تلعب معانا على السلم هـ تتجوز،
كانت يمكن حوالي 16 سنة
قالت لي: "أنا عندي حاجة، وجوزي هـ ياخدها مني ويـ رميها بكره الصُبح. ماما قالت لي إن أنا مش هـ توجع".