روحنا، وفي اليوم ده مش فاكرة غير دكتورة بـ تزعقلي؛
عشان طالبة مني أقلع البنطلون وأنا مش راضية.
إدوني بنج، وقطعوا حتة مني، وما فوقـتـش غير وأنا "آنسة"،
كل حاجة اتغيرت بعد اليوم ده.

فاكرة الزق، والرفص، والزعيق
في كل مرة كنت بـ قول لأ، وهو بـ يفضل مكمل
كنت بـ حس في أوقات إني بـ تحول لمخدة
الطريقة الـلـي بـ يغمض عينه بيها
وبـ ينسى وجودي، كانت بـ تـقـتـلـني
وبـ تحسسني إني ولا حاجة
هو هـ يكمل، سواء أنا مستمتعة أو لأ، موجوعة أو لأ
برغبتي أو لأ، هدفه شهوته وبس.
العنف المبني على النوع؛ العنف الجنسي؛ الاغتصاب؛ الذكورية؛ الجنس؛ الجنسانية

حاجة ما تتصدقش صح؟
إن يبقى فيه راجل قد كده معطاء
إنك يبقى معاكى راجل يحبك، ويبوسك، ويحضنك، ويدلعك، من غير ما ياخد منك حاجة.

العذرية، الزواج، الجنسانية، الجنس، العلاقات العاطفية

أنا مش ست، صح؟ مش أنا كده ما بقيتش ست؟
إزاي أكون ست وأنا من غير بطانيتي كل شهر؟
حاجة صغيرة وراحت، بس راح معاها دم كتير
وراحت معاها علبة أسراري، أحط أسراري فين دلوقتي؟

مفيش ولا مرة ألاقيك بـ تكلم واحدة فى التليفون بتحبوا في بعض خارجين …
هو انت إيه؟!

اتعرضت للختان وانا في سنة سادسة ابتدائي،
وكنت واعية لـلـي بـ يحصل وفاهمة،
وحاولت أقول لأمي، بس هي كانت سلبية، وما اهتمتش،
مع إنها أكتر واحدة كانت بـ تشتكي من العلاقة الحميمية،
وقد إيه إنها مالهاش لازمة للست.
العنف المبني على النوع، العنف الجسدي، الختان، الجنس

فيه حاجات ما أعرفش أحكيها بسهولة لأي حد، لأن الناس بـ تحكم
أي حاجة ليها علاقة بجسم البنت، باحتياجات البنت، برغبات البنت
على طول يـ تقال: "إيه ده؟ دي صايعة، دي سافلة"

أنا كان عندي 19 سنة يوم ما قررت إني لازم أخوض علاقة جنسية
لأني ما كنتش فاهمة يعنى إيه جنس
وما أعرفش يعني إيه علاقة جسدية، غير من الـلـي الإعلام بـ يوريهولنا.

مرة عرفت إن جارتي الـلـي كانت بـ تلعب معانا على السلم هـ تتجوز،
كانت يمكن حوالي 16 سنة
قالت لي: "أنا عندي حاجة، وجوزي هـ ياخدها مني ويـ رميها بكره الصُبح. ماما قالت لي إن أنا مش هـ توجع".

في العيلة عندي مش مقبول ولا مسموح إن البنت ما تبقاش بنت قبل الجواز
أنا مش عارفة العلاقة الكاملة بـ تحصل إزاي وخايفة منها
وحاسة إن الغشاء نفسه حابسني ومكتفني
هو ده بالنسبة لهم كل حاجة في البيت
لازم يفضل موجود