كنتِ جوا دايرة كبيرة في صالون
وناس حواليكي بـ يقولوا كلام رسمي
وأنا قاعدة ورا… برا الدايرة
زي اللي قاطع تذكرة بلكون

الزواج، الوالدين، الضغوط الاجتماعية

حماتي كلمت أمي عشان نطاهر البت
لاقيت أمي بـ تكلمنى تسألني:
"أنتِ مش هـ تطاهري البت؟ ده احنا آخر الشهر العربي".
العنف المبني على النوع، الختان، الوالدين، الضغوط الاجتماعية

كان دايمًا بـ يتقال لي وانا صغير
"أنت راجل، ما تعيطش"
أنت راجل دي كانت بالنسبة لي عقاب
لأنها فرضت عليا أسلوب حياة معين
حاجات المفروض أعملها، وحاجات تانية ما ينفعش أعملها.

أول يوم شغل كان حلو، كان عند المعلمة عندنا في المسجد
وقالت لي: "اعملي الـلـي تقدري عليه"
وكانت كل شوية تيجى تقول لي: "أعمل لك شاي؟
تاكلي؟ قدامك التلاجة، الـلـي أنتِ عايزاه خديه
اعتبري البيت بيتك"

كان في واحد صاحبي، من سني
بس عايزني، يعني إيه، مش مظبوط يعني
كان عايزني أعمل معاه حاجة غلط

كنت طول عمري بـ تخيل نفسي بشعر قصير
لحد ما فعلا قصيته
كنت مبسوطة جدا
كأنى لاقيت نفسي

اتحجبت، رغم إني مش مقتنعة
قلت لنفسي لو فرض يبقى أنا كده رضيت ربنا
ولو عادة بيئية واجتماعية، يبقى أنا كده رضيت المجتمع
وبقيت محترمة وحشمة زي ما هـم عايزين.

الوصمة الاجتماعية، الجسم، معايير الجمال، الحجاب، الضغوط الاجتماعية

ربنا أذن لي أصلي في حِجر إسماعيل
 وانا خارجة من حجر إسماعيل، الدنيا بـ تبقي زحمة جدا
 فجأة حسيت بإيد بـ تتمد من تحتي من ورا
 كل الـلـي عليا إني لفيت وفضلت أضرب بالبـنـيـات الـلـي ألاقيه ورايا، بصوَّت وأقول له: "مش قدام الحرم يا كافر"

كنت بـ سمع ناس من عيلتي بـ يحكوا
مش عارف مين اتربطت في السرير، علشان قالت لأ
ومين دخلوا فيها إيه، علشان قالت لأ
مش عارف مين ودوها المستشفى في الصباحية، علشان حصل لها نزيف.

أنا اتعرضت لإعتداء جنسى فى الشارع ومحدش وقف يساعدنى. كان بالليل … كتفونى واعتدوا عليا بالضرب الأول.
وبعد كده كل واحد كان بـ يقف ياخد دوره ... يمسك أو يحط إيده فى حتة.
وفى الآخر لما حد حاول يقفلى كانوا هـ يضربونى تانى وياخدونى معاهم عشان يكملوا فى مكان تانى ..