في أول حمل ليا وأنا بـ ولد،
-أنا ولدت طبيعي، كانت ولادة مأساوية جدًا- ،
أول ما فتحت عيني قولت لها: "ما تزعليش مني"،
ما سألتش على البيبي،
أول حاجة كانت إني بصيت لمامتي، وقولت لها: "ما تزعليش مني".
الأمومة، الوالدين

أنا طول عمري تخينة بدرجات مختلفة، وحاليًا بـ عمل ريجيم،
وبـ حاول آكل بشكل صحي،
وطول عمري بـ يتقال لي "خسي"،
بغض النظر عن هوية الشخص، وصلته ليا.
لكن الأهم إن والدتي كانت طول عمرها بـ تقولي إني جميلة،
و"يا سلام لو خسيتي، هـ تبقي أحلى وأحلى".

اتعرضت للتحرش من وانا صغيرة من أبي،

أفتكر في أول سنين المراهقة كده، كنت في مصيف مع أهلي، ووزني كان زايد 2 ولا 3 كيلو،
ماما من يومها وهي كل يوم تعلق على وزني وشكل جسمي.
الجسم، الوالدين، التنمر

بابا كان دايمًا عاوزني ألبس واسع، مع إن جسمي صغير جدًا،
ولما كنا نروح نشتري لبس، وفيه حاجة على قدي، مش واسعة،
كان بـ يقول لي شكلها وحش عليا.

أهلي شرحوا لي بالتفصيل الممل عملية البلوغ قبل ما تحصل؛
كانوا بـ يجهزوني نفسيًا علشان ما اتفاجئش،
في نفس الوقت بـ يمهدوا لي المسؤوليات الاجتماعية والدينية الـلـي بـ تتبع عملية البلوغ.
كرهت البلوغ، وكرهت جسمي بسبب المسؤوليات التابعة ليه،
والحدود الـلـي اتفرضت بسبب التغيير الجسدي الـلـي بـ يحصل.

أنا كنت فاهمة، بس برضه مش فاهمة أوي؛

عمر ما ماما اتكلمت معايا، ولما جت لي ما عرفتش أقول لها؛

عشان أنا عمري ما عرفت أتكلم معاها في أي حاجة في الدنيا،

وهي عمرها ما احتوت ده.

كنت بستخدم أي قماش وأي حاجة تقابلني،

المهم إني أخبِّي إنها جت لي،

جم لنا خلاني وجدتي تاني يوم، وفي قعدة على الغدا كده قولت:
"أنا جت لي البيريود".
جدتي سألتني: "يعني إيه؟"، وبـ تبرق على أساس أفهم واسكت،
قولت لها: "يعني كبرت، وماما وبابا عارفين ومبسوطين".
بعد الغدا جدتي وأمي زنقوني في المطبخ، وقعدوا يزعقوا جامد،

أنا جت لي وانا في تانية إعدادي،
ماما قبلها بكام شهر كانت قعدتني، وحكت لي عن كل حاجة،
وعن تجربتها هي شخصيًا، وفهمتني معنى كل حاجة، واتصرف إزاي.
ولما جت لي كنت لوحدي، بس كنت عارفة أعمل إيه،

أنا بقى كنت بـ قرأ عن كل حاجة من زمان أوي،
البيريود جتلي في تانية إعدادي، وكنت وقتها عارفة من الـلـي قريته،
وكنت بـ حط مناديل الأول لحد ما عرفت الأولويز.
ماما ما كانتش بـ تكلمني عن أي حاجة تخص البنات،
وزمان سألتها وما ردتش عليا،