الموضوع ابتدا بحمالة صدر، من الـلـي بـ يكبروا الصدر
أيوه، بالظبط كده، الـلـي بـ يكبروا الصدر
دي كانت هدية أمي ليا في يوم تخرجي
"ماما، أنا يستحيل ألبس البتاعة دي ولو عملتي إيه"
"نعم؟ ما هو أنتِ ما يـنـفـعـش تفضلي ماشية مش باين منك حاجة كده"

أنا كنت بـ كوي شعري على طول
وكنت مرتبطة، وبعدها ما حـصـلـش نصيب بينا
وبعد ما سيبنا بعض،
قررت إني أربي شعري الطبيعي وابقى حرة بطبيعتي
رجعت لـلـي كنت مرتبطة بيه زمان، وكويته مرتين عشانه
في مرة بقول له إني جاية له بشعري الطبيعي
قال لي بالنص: "نعم! جاية بيه كده ليه؟"

كنت متأخرة على الكورس بتاعي
ودي كانت أول مرة ومهم إني أحضرها من الأول
ماشيه بخطوات سريعة
ولبسي كان عادي؛ بنطلون جينز، وتي شيرت نص كم
وكان فيه كوبرى قبل مبنى الكورس
دخلت من جنبه على أساس وصف الناس

شعري كيرلي، وانا صغيرة ماما كانت بـ تكويه كل 3 4 أيام،
ده كان صعب عليا كطفلة؛ أستحمل الحرارة، والشد ،
غير إني فعلًا اقتنعت إنه وحش.

وزني زاد وانا بـ كبر،
وكنت طفلة كل ما طنط من قرايبنا تشوفني تقولي: "أنتِ تخنتي"،
وانا مراهقة ماما كانت بـ تنتقد وزني طول الوقت،
وتلبسني على مزاجها أكبر من سني،
ومحدش خد باله إني كنت منعزلة وحزينة.
الجسم، التنمر، العائلة

طول عمري كان وزني زايد عن الـلـي حواليا، أتخن من أخواتي ومن صحابي.
كنت وانا صغيرة كله في أهلى بـ يتريق على شكلي،
وكان لازم أضحك، وآخد الموضوع عادي، يا إما هـ يتقال عليا بأفور.
كان أخواتي بـ يقعدوا يغنوا لي أغاني تريقة على جسمي،

أيام ما كنت بـ عمل البطاقة كنت سعيدة بالحدث ده،
وقد إيه كان مهم، وكنت بـ تمني من كل أعماقي إن الصورة تطلع حلوة،
وكنت لابسة طرحة غامقة اللون زي ما هو متعارف عليه؛
قال إيه عشان الصورة تطلع حلوة.

مشكلتي جسمي
فجأة لاقيته كبر وبقيت مضطرة إنى أخبيه دايما
أخبي شعري، أخبي صدري
والحيض بقى سر قومي بـ خبيه

كنت دايمًا بـ اعمل شعرى
وأول ما بطَّلت أعمله، نزلت مرة مع ناس
كنت تريقة القعدة
لما روَّحت، لاقـيـتـهـم حاطين أغنية لبوب مارلي على الجروب بتاعنا
وبـ يـتـريـقـوا عليا.

"تعالي نـتصور صورة لبنانية! أقفي كده"
عملت زي ما هي قالت لي، وكنت حاسة لحظتها إن أنا شكلي أكيد بـ يضحك
وان ممكن يـ تقال عليا شرموطة لأني بحاول أبين صدري … إلخ.