قعدت أسبوعين عيانة وسخنة وكل جسمي واجعني،
دخلت الحمام وحسيت بحاجة غريبة بـ تخرج مني.
كنت بـ نزف، بس هو أنا كنت متعوَّرة أصلًا؟
طبعًا اتضح في الآخر إني جت لي البيريود،

الدورة الشهرية، الجسم، النسائية

كنت في خامسة ابتدائي،
وكنت بـ شوف ماما كل شهر مع شراء أكل الشهر توزع على أخواتي البنات كيس شكله غريب،
وأخواتي يدخلوا أوضتهم، ويشيلوه،
وما كـنـتـش أعرف المكان الـلـي بـ يشيلوه فيه.
كان جوايا فضول غريب، وفي نفس الوقت ما ينفعش أفتش في حاجات أخواتي من غير إذنهم،

مامتي لما لاقـتـنـي ابتديت أكبر، وجسمي يبان عليه علامات البلوغ،
خدتني على جنب، وفهمتني يعني إيه بيريود، وإيه بـ يحصل فيها بالظبط، وليه بـ يحصل كده،
وفهمتني بطريقة علمية العلاقة بين الراجل والست، وفهمتني الحرام والحلال فيها.
وكانت بـ تسمع أي سؤال مني بصدر رحب، وبـ تجاوبه بطريقة مبسطة علمية،

أول مرة جت لي كنت فاكرة إني اتعورت في المكان الحساس؛
عشان صدمة الدم، وإحساس الوجع كانوا حاجات جديدة عليا.
ما كُـنـتـش فاهمة إيه الـلـي بـ يحصل، ومحرجة جدًا من نفسي وجسمي والـلـي حصل له.
قررت اتعامل مع الموضوع لوحدي تمامًا، أنا كان عندي 11 سنة،

أنا جت لي وانا في تانية إعدادي،
ماما قبلها بكام شهر كانت قعدتني، وحكت لي عن كل حاجة،
وعن تجربتها هي شخصيًا، وفهمتني معنى كل حاجة، واتصرف إزاي.
ولما جت لي كنت لوحدي، بس كنت عارفة أعمل إيه،

كنت دايمًا بفكر ليه الست ما ينفعش تاخد إذن مرضي وهي عندها البيريود. الموضوع بـ يكون مؤلم جدًا وبـ يبوَّظ اليوم كله، والتركيز في أي حاجة بـ يكون صعب خالص.
النسائية، الدورة الشهرية

جم لنا خلاني وجدتي تاني يوم، وفي قعدة على الغدا كده قولت:
"أنا جت لي البيريود".
جدتي سألتني: "يعني إيه؟"، وبـ تبرق على أساس أفهم واسكت،
قولت لها: "يعني كبرت، وماما وبابا عارفين ومبسوطين".
بعد الغدا جدتي وأمي زنقوني في المطبخ، وقعدوا يزعقوا جامد،

أول مرة اجتني كنت عارفة شو يعني دورة،
بس كنت برضه عارفة ومجهزة حالي إنه لازم أخبيها، وما حد يعرف.
خالاتي وخوالي كانوا يهينونا كتير واحنا صغار،
كان يحكوا إنهم رح يجوزوني للشاب الـلـي بـ نضف سياراتهم،
وأنا كنت أصدق، وأعيط.

البيريود بـ تأثر على مسار حياتي بشكل كبير جدًا،
ومش بس وقتها، الأسبوع الـلـي قبلها بـ كون شخص مش قادر يتحرك،
جسمي هزيل، ورجلي كأنها بـ تتشد من جسمي، وحالة إرهاق بشع بـ تستمر لحد ما تيجي وتخلص.

أول ما جت لي الدورة كنت في أولى إعدادي تقريبًا،
كنت ما أعرفش إيه دي، وافتكرت إني اتعورت،
بس لاقيتني مش حاسة بوجع، جريت غسلت هدومي،
وبقى كل شوية الدم يزيد بطريقة مريبة.