أتكلم مع أخصائية اجتماعية مثلًا،
فـ تقول لي: "أنا ست ومتجوزة،
وبـ قول لك إيه الـلـي أنتِ بـ تقوليه ده؟
أنتِ مش طبيعية، أنتِ مجنونة
عايزة تتطلقى عشان كده؟"

بعد الطلاق
أمي بـ تحرق دمي طول الوقت
لو اتكلمت وهزرت، تقول لهم:
"هي من ساعة الجوازة التانية دي بقت قليلة الأدب "

اتجوزت وكنت في غربة، ما كانش في أي حد معايا غيره هو وأهله.
كنت لوحدي يُعتبر يعني، ما كانش ليا غيرهم.
هم الـلـي يعتبر كسروني كلهم.
بعد 5 سنين جواز، قررت إن لأ كده كفاية،
ما ينفعش إن أنا أكمِّل أكتر من كده.

المدرسة، الأمومة، الزواج، الطلاق، الوالدين، العمل

بعد عشر شهور من الجواز جبت ابني
بعدها بقيت أحس إني مش موجودة خالص
ولاقيت نفسي عبارة عن واحدة واقفة في السوق ومعاها خمس عيال
لاقيت الدنيا كلها طمعانة فيا

الأسبوع اللي فات حصلت مشكلة مع طليقي واتهجم عليا فـالشارع
وكل ده عشان عرف إن انا وبنتي بـ نشتغل
قال: "لا ما تـشـتـغـلوش!"
ازاى ما نشتغلش وهو ما بـ يدفعش نفقة للعيال؟!
أختى الكبيرة هى اللي بـ تصرف علي البيت، وانا بـ تضايق لما بـ تعمل كده.
أنا قولت له هـ نشنغل ومالكش دعوة بينا.

فجأة قرر يـشيـل التلفزيون من البيت، وقالى:
"لأ، ده بيـوجِّـه دماغك وبـيـأثـر عليكى"
ومرة أخد منى الموبايل بعد أول خناقة ما بينا ...
"مش هـ تـشـوفى الموبايل ده تانى"
كان متعصب جدا لدرجة إنى كنت خايفة يعمل فيا حاجة.

الأول كنت بـ حس إنه صاحبي، وأخويا، وجوزي، وابني
دلوقتي بقى محسـسني إني راجل معاه فى البيت
فين وفين لما يفتكر إن معاه ست فى البيت
لدرجة إني كنت فاكراه بــ يـخـوني.

بعيدًا عن أي حاجة تانية، أنا محتاجة أنام مع حد
ممكن تقولي لي أعمل إيه؟
أنا ست مطلقة، ومعايا طفلين، ومحتاجة أنام مع حد
المفروض أعمل إيه يعني؟

الجنسانية، الجنس، الطلاق، الوصمة الاجتماعية

أنا مـا عيـشـتـش طفولتي، أمي شيلتني الطين بدري
إحنا عندنا الحريم تروح الغيط، وتحلب البهايم، وتأكل الطيور
كانت أمي تروح، وترجع تضربني
"ماعـمـلـتـيـش الأكل ليه؟"
العنف المنزلي؛ العنف المبني على النوع؛ العنف الجنسي؛ العنف الجسدي؛ الوالدين؛ الزواج المبكر؛ الطلاق؛ العمل

أنا مُطلقة من 5 سنوات
أم لبنتين، عمري 39
بنت 17 والتانية 13
عايشة مع بابا وماما في البيت
بـ شتغل في مجال الجمعيات الأهلية من 8 سنوات.