في أول حمل ليا وأنا بـ ولد،
-أنا ولدت طبيعي، كانت ولادة مأساوية جدًا- ،
أول ما فتحت عيني قولت لها: "ما تزعليش مني"،
ما سألتش على البيبي،
أول حاجة كانت إني بصيت لمامتي، وقولت لها: "ما تزعليش مني".
الأمومة، الوالدين

ماما، هـ يكون إيه إحساسك لو عرفتي أنا حاسة بإيه ناحيتك؟
أنا ما بحبكيش، ومش عايزة لما أكبر أكون شبهك.
أنتِ مش أحسن أم في الدنيا، حتى لو أنتِ متصورة كده.

الأمومة، الوالدين

علاقتي بأمي كانت كلها مأساة….
أمي كانت دايمًا بـ تعمل نفس الحاجة، تتريق على شكلي عمومًا،
مش بس الوزن، مع إني عمري ما كنت تخينة قبل ما أتجوز.
بس كانت دايمًا تقولي: "أنتِ شبه البوابين".

أنا لما اتجوزت كنت فاكرة إن الجواز ده لازم هـ بقى في البيت،
أنا كنت بـ شتغل بعد التخرج بشوية، بس كنت فاكرة إنه
الشغل مع الجواز هـ يعطلني،
مش هـ يخليني آخد بالي من بيتي.
يعني مش عايزة بنتي ترجع ما تلاقـيـنـيـش موجودة.
الضغوط الاجتماعية؛ الزواج؛ الوالدين؛ الأمومة

اتجوزت وانا عندي 24 سنة
واتطلقت وانا عندي 29 سنة
دلوقتي أنا أم من غير زوج لبنت عندها سبع سنين

أنا أم عاملة، وطالبة في نفس الوقت
شغلي حر، مش مرتبط بوقت
وده بـ يسبب لي مشاكل مع الناس المحيطة بيا وكمان مع ابني

بنتي وهي 9 شهور بيبي، كلت نص صباع حشيش،
كان حاطه في علبة كبريت عـالكومودينو.
أنا لاقيت البت مش طبيعية؛
كانت مدروخة، وعينيها تروح وتيجي،
فـ قولت يمكن علشان لسه صاحية م النوم.
العنف الأسري؛ العنف المبني على النوع؛ العنف الجسدي؛ الجنس؛ الأمومة؛ الإدمان؛ الضغوط الاجتماعية؛ الزواج؛ الطلاق

 اتعلمت أحبه مع الوقت، 
وانا بـ شوفه بـ يكبر قدامي، 
وبـ يتعلم الكلام، 
وبـ يتحول لشخص عنيد، 
وذكي، وفنان، ودمه خفيف.

الضغوط الاجتماعية، العلاقات العاطفية، الأمومة

"اسمك في كنف راجل، واسمه أبو الولد، وأنتِ عارفة عيوبه"، أبويا
"ده أتاري الـلـي كان بـ يعمله فيكي كله حلال"، أمي
"أنتِ قاعدة إزاي من غير جواز؟"، أي راجل يـ شوفني

الحاجة الـلـي مخلياني أكمل بقى
ومخلياني عندي أمل في ربنا
هم بناتي،
نفسي أكمل معاهم للآخر.