ليه عملوا كده
2014مرة كنت في الشارع،
تروسيكل عدى من جنبي عليه عيال في إعدادي كده تقريبا
واحد منهم ضربني تحت ضهري
من الخضة صوتت
قلدوني بتريقة، وقعدوا يـ ضحكوا.
أنا تعبانة وقرفانة
2017أنا اتعرضت للتحرش الجنسي جوا بيتى،
من حد قريب منى جدا.
شافني ومشي عادي
2015بطلت أروح المدرسة وقتها.
ما كنتش أعرف إيه يعنى التحرش، بس كان فيه قضية اغتصاب مشهورة على التليفزيون.
فكنت فاكراه اغتصبنى.
ولما استجمعت قوتى ونزلت الشارع كنت بـ تحامى فى الستات فى الشارع.
الشارع بيخوف
2017
كل حاجة في الشارع بـ تضايق
أنا بـ بقى ماشية في الشارع خايفة وقلقانة
خايفة من اللي بـ يحصل
طريقة اللمس، واللي بـ شوفه
نفسي في يوم من الأيام أحس إني ماشية مطمئنة.
مرة ركبت ميني باص
2017
مرة ركبت مينى باص رايح فيصل
وانا كنت ما أعرفش المكان أوى فطبيعى قلت السواق أنا عاوزة أروح مكان كذا فى فيصل
قالى: "آه تمام هـ وصلك ما تـقـلقـيـش"
جوايا راجل اسمه محمد
2014
أنا جوايا راجل اسمه محمد
بـ يطلع في مواقف كتير
بـ يطلع لما سارة تنزل الشارع لوحدها، أو تنزل مع أصحابها البنات
لما ما تبقاش عارفة تتصرف كبنت
هو شايف إني محتاجاه
مشيت وسبتها
2014
كنت راكب مشروع، وشايف من الشباك واحدة بتجري على البحر
وحاطة سماعات في ودنها
كانت الساعة 5 المغرب
وتلاتة بـ يجروا وراها
وانا شايفهم وهم بـ يمدوا إيدهم عليها.
أتمنى لو أعرف
2017كأي فتاة تعرضت للتحرش أكثر من مرة
من غريـبـيـن بالطرقات، من قريب استغل طفولتي وعدم وعيي
من أخ اعتاد أن يتلصص علي بغرفتي
لم أكن واعية ومدركة
ولكني لم أشعر بالأمان قط في منزلي، بداخل غرفتي
ما خدتش بالي
2017
كنت بسمع عن التحرش كتير ومش متخيلة إن ممكن يحصل معايا
كنت فى ميكروباص ومد إيده من ورايا على كتفى
بعدت شوبة لاقيته عملها تانى، ولما زعقتله بكل برود قالى "ما خدتـش بالي"
وأنا ماشية فى الشارع
2017ماشية فى الشارع راجل قد أبويا بـ يقولى "هو كسك حلو وطويل زيك كده"
ماشية فى الشارع شاب لمسنى من ورا وبـ يقولى "عاوز أحطه عليكى"
ماشية فى الشارع لابسة واسع وطويل ...
ماشية فى الشارع ولدين صغيرين بـ يلفو حواليا وبـ يقولى "يالا نـنـيكك"
ماشية فى الشارع بـ سمع كلام كتير مشابه ...