كان عندي 14 سنة، ونازلة في الشارع عادي.
كان يوم خميس، والدنيا زحمة، وبالليل،
محدش واخد باله من حد.
كنت بـ عدي الشارع عادي،
واحد عدى من جنبي بموتوسيكل، ومد إيده على مؤخرتي.

مشية العسكري، عارفة مشية العسكري؟
هـ تبصي قدامك، هـ تمشي عدل
جسمك ما يـتهزش

كان عندي ست أو سبع سنين.
ماما كانت عايزاني أتعلم أعزف على أي ألة موسيقية، قلت لها إني بحب البيانو.
دورت هي على مكان أتعلم فيه فلقت إن فيه مدرس فـالنادي واتفقت معاه إني أروح انا واخويا.

كانت صاحبتي ماشية في النادي،
وولد كانت تعرفه بقالها كتير
قال لها: "تعالي أقول لك حاجة"
وجه، ولمسها، وضربها
والبنت قعدت تعيط.

وقفت في الناحية الـلـي قدام جروبي الناحية التانية،
وعند جروبي نفسه كان في مجموعة شباب بـ يشاورا لتاكسي.
التاكسي وقف ناحيتي، والشباب الـلـي شاوروا له عدوا ناحيتي عشان يركبوا.
واحد منهم فتح الباب، وقال لي: "ما تيجي معانا"
وهو بـ يعمل بعينيه وبشفايفه حركات في منتهى الوساخة

كنت فى ثانية إعدادى وراجعة من درس. عديت من نفق خمسة وأربعين فى إسكندرية
وانا فى آخر النفق ولسه بـ طلع السلم علشان أوصل للشارع العمومى، سمعت صوت واحد من ورايا بـ يجري
لسه هـ لف لاقيته بـ يمسكنى من ورا، لفيت بسرعة كنا على أول سلمة بالظبط فهو طلع يجرى
وعدى السكة بسرعة وسط العربيات ...

كان ولد عنده 7 سنين، وبـ يعاكس بإيده
أنا كنت مستغربة
إزاي الولد عرف المكان الـلـي بـ يتحط فيه الإيد
إزاي ده 7 سنين؟

كنت هناك لما بدأت التعليقات في الشارع تتحول من "يا عسل" لـ "عايز أدخله"!
كنت هناك لما سكتوا كل الناس ومحدش اتكلم،
فافتكرت إن أنا لوحدي اللي بـ يحصل لي كده ... فكرهت جسمي وانوثتي وحياتي ...

الشارع، الجسم، التحرش، العنف الجنسي، العنف المبني على النوع

كنت راجعة من الكلية الساعة ٤ الظهر وداخلة العمارة بتاعنا.
ولد يمكن فى أولى ثانوى قال لفظ مش محترم.
أنا سبته وطلعت عادى بس سمعت وانا طالعة خطوات ورايا

كنت ماشية أنا واتنين أصحابى، وواحد فضل يمشى ورانا ويقولنا
"نفسى أنيكـك" واعمل، واسوى، والكلام اللى كل الناس عارفاه ده.

صاحبتى وقفت سبت له الدين، وكان ميكروباص معدى من جنبها راحت الناس بصتلها بقرف