كنت في حضانة
ماما بعتتني أجيب لها حاجة من السوبر ماركت
كنت ماشية جنب جامع
لاقيت راجل نازل من تاكسي، وبـ ينده لي
روحت له.
قال لي: "عايزك تطلعي الشقة دي"
وشاور لي على العمارة الـلـي جنب الجامع
"خبطي عليهم"
ومش فاكرة قال لي أقول لهم إيه.
قلت له: "أنهي شقة"،
قال لي: "تعالي، اطلعي أوريهالك"
طلعت وشالني
وشاور لي من شباك العمارة على شقة في العمارة الـلـي قدام
وقال لي: "دي"
قلت له: "مش شايفاها".
نزلني، كل ده وهو شايلني
وعمال يحك جسمي بجسمه من تحت، ونزلني
أنا ما كنتش فاهمة حصل إيه
بس كنت خايفة أقول لماما، أحسن تزعق لي
لأنها حذرتني أكتر من مرة إني ماروحش لأي حد ينده لي.
بعد ما كبرت حبة
اكتشفت إنه كان بـ يتحرش بطفلة،
لو كانت ماما بس فهمتني ليه حذرتني
وإيه ممكن يحصل فيا،
أكيد ما كـنـتـش هـ روح.