في رمضان، ماكنتش بقدر أشرب مية أو أفطر قدام الناس.
كنت معرض دايمًا إن حد يفضل مبحلقلي أو حتى يشتمني.

روحت وصليت، وبعد ما خلصت الصلاة كنا قريبين من الكورنيش
فـ قلت نطلع نقعد شوية، أو نتمشى
ما أجرمناش.
تلات ظباط واقفين قدامي
ما بيني وما بينهم كام سنتي
بدأوا يـ بحلقوا في صدري، ويـ قولوا كلام

أحمد: "إيه رأيك في المزة اللي هناك دي؟"
عمرو: "أنهو؟ المحجبة؟ أنا بحب المحجبات فشخ"
أحمد: "إيه؟ اشمعني المحجبات يعني"
عمرو: "عارف لما تجيلك هدية، وتكون ملفوفة، وبعدين تفك فيها البراحة … "
أحمد: "يا عم استنى، أنا قصدي على البنت اللي ماشية معاها،
أكيد مش الحاجة دي، دي عاملة زي العرايس اللي أمي بـ تجيبهملي!"
عمرو: "ههه، هي أمك بـ تجبلك عرايس؟"
أحمد: "آه يا بني، على طول، بس تحس إن كلهم شبهها،
أو هـ يكونوا شبهها بعد سنتين بالظبط.
ده أنا حتي بطلت أقابلهم، فبقيت بـ تبعتلي صورهم على الفيس بوك"

درسي كان الصبح في رمضان
كان الوقت في حدود الساعة 8 صباحًا
ماشية لوحدي كالعادة
وفجأة ما حسيتش بنفسي
اتخدرت، واتخطفت
وعرفت إني اتخطفت لما فوقت.

راجعة من التمرين، ولابسة لبس الفريق بتاعي،
واتنين رجالة واقفين بـ يتأملونى في الشارع:
"ده واد ولا بت؟"
"دي بت يا ابني"

معايير الجمال، الشارع، التحرش، العنف المبني على النوع

أنا في تالتة ثانوي
أول امبارح كنت مع صاحبتي
الشمس كانت شديدة أوي
واقفين مستنيين باقية أصحابنا.

أول ما العربيات تقف في الإشارة، تمسك الفوطة الصفراء
تمسح بإيد، والإيد التانية ماسكة مناديل
وبصوتها العالي تنده: "مناديل يا بيه، مناديل يا باشا
مناديل يا هانم، هـ خليلك الإزاز يضوي
تروح وترجع بألف سلامة يا باشا"
وفي يوم، اختفت سكرة، ومحدش بقى عارف هي راحت فين.

الزواج، المراهقة، العنف المبني على النوع، الضغوط الاجتماعية، الوصمة الاجتماعية، الشارع

أنا مش مجبر إني أمشي حاطط الهاند فري عشان ما أسـمـعـش
لأن لو ما سـمـعـتـش فأنا شايف نظراتهم.

صاحبي قرر يعاكس واحدة. مش فاكر الكلام اللي هو قالهولها بس لما هي لفتله اكتشف إنها خالته!

أنا اتعرضت لإعتداء جنسى فى الشارع ومحدش وقف يساعدنى. كان بالليل … كتفونى واعتدوا عليا بالضرب الأول.
وبعد كده كل واحد كان بـ يقف ياخد دوره ... يمسك أو يحط إيده فى حتة.
وفى الآخر لما حد حاول يقفلى كانوا هـ يضربونى تانى وياخدونى معاهم عشان يكملوا فى مكان تانى ..