اتشخصت بتكيُّس في المبايض/ PCOS
ده خلى وزني يزيد، وخلاني ما أقدرش أخس بسهولة،
دي واحدة من الأعراض الجانبية للمرض ده.
كنت طول الوقت عاملة دايت، وبـ تمرَّن كل يوم، بس مفيش أي تقدُّم؛

المشكلة إن أنا صوتي من وانا صغير طفولي،
وروحت لدكاترة كبيرة في مصر،
وقالوا لي دي طبيعة الصوت، مش أكتر أو أقل.
الجسم، التنمر، الذكورية

أنا ولد، مش تخين، بس عندي صدر،
واحنا في مجتمع ريفي، بـ يتبص علي صدري قبل شكلي،
وبـ لاقي مضايقة من كل الناس، في الشارع، في الدروس، وفي المدرسة.
الجسم، التنمر، الذكورية

من وانا صغيرة وانا بعاني من مشاكل في شهيتي قصاد الأكل،
وطبعًا المشاكل دي أدِّت للنحافة الشديدة،
23 سنة وأنا بتعرَّض لكمية مضايقات كبيرة جدًا….
"اتخني عشان تتجوزي".
"هـ تموتي من قلة الأكل".
"ضهرك مقوِّس من كتر الرفع".
التنمر، الجسم

هو أنا وحشة؟
آه ما كنـتـش حلوة أو كانوا بـ يحاولوا يوصلوا لي إني مش حلوة،
جسمي كان مليان عنهم، كنت مش بـ عرف أتكلم مع الناس زيهم، أوهموني إني غيرهم …

أنا كنت سبَّاحة، وبشرتي كانت غامقة؛
بسبب إني بـ نزل أعوم الصبح،
وشعري أنا الوحيدة الـلـي في العيلة كيرلي.
كان لازم كل يوم أسمع كلمتين بسبب لوني أو شعري،

كنت دايمًا بـ اعمل شعرى
وأول ما بطَّلت أعمله، نزلت مرة مع ناس
كنت تريقة القعدة
لما روَّحت، لاقـيـتـهـم حاطين أغنية لبوب مارلي على الجروب بتاعنا
وبـ يـتـريـقـوا عليا.

أنا شاب من صغرى كان جسمى مليان شوية ...
وفى المراهقة ظهر عندى ثدى ...
الـلـى هو جينـوكومـاسـتـيـا - حالة كبر الثدى عند الرجال -
وهى منتشـرة بس سبـبـتـلـى تعليقات سخيفة من كل زمايلى.

أنا شعري كيرلي، بس قرايـبـي وماما مش شايـفـيـنـه كده
وماما كل ما أكون نازلة توقـفـنـي تقول لي:
"أنتِ هـ تنزلي بشعرك منكوش كده؟"
لما نكون رايحين عند قرايـبـهـا تقول لي: "أنتِ هـ تروحي معايا بشعرك كده؟ لا لا اعملي شعرك يا إما ما تـجـيـش معايا"

عيلتي كلها شعرهم ناعم ومفرود
أنا الوحيدة اللي شعري كان كيرلي
كانوا على طول يقولوا لي: "جايبة الشعر الوحش ده منين؟"
مامتي ما كانـتـش بـ تعرف تـعـتـنـي بيه
الناس كلها كانت بـ تـمـدح أختي وجمال شعرها
وأنا، بـ يـبـصوا لي بصة شفقة.