أنا عندي اضطراب نهم الطعام -binge eating disorder- من وانا طفلة،
ما بدأتش أوعى له أو آخد خطوة في إني أعمل حاجة فيه إلا لما بقى عندي 21 سنة.
وبدأت أزيد في الوزن من وانا عندي 10 سنين،
غير إني كنت كل أسبوع عند دكتور تغذية،

كنت طالبًا في مدرسة في دولة عربية، وكان جسمي ممتلئًا نوعًا ما.
لم أكن أعاني من السمنة المفرطة، فقط زيادة بسيطة في الوزن، مع بعض التثدي (صدري كان كبير شوية مقارنة بباقية الولاد).
الجسم، التنمر، الذكورية

من ساعة ما قصيت شعري الناس بـ تناديني بمارسيلو،
ما يتهيأليش إني انبسطت باسم دلع أكتر من ده قبل كده

وزني زاد وانا بـ كبر،
وكنت طفلة كل ما طنط من قرايبنا تشوفني تقولي: "أنتِ تخنتي"،
وانا مراهقة ماما كانت بـ تنتقد وزني طول الوقت،
وتلبسني على مزاجها أكبر من سني،
ومحدش خد باله إني كنت منعزلة وحزينة.
الجسم، التنمر، العائلة

رحت قريب إنترفيو وأنا لابسة فورمال
لاقيت اللي عملت لي الإنترفيو بتقول لي:
"المرة اللي جاية ظبطي شعرك"
قلت لها إني مش هـ فرده وإن شعري مالوش علاقة بالشغل اللي جاية أقدم عليه
كانت تجربة مهينة

ماما دايمًا طول الوقت تعليقات على كل حاجة:
"أنتِ عاملة كده ليه؟"،
"أنتِ وشك أصفر كده ليه؟"،
"تحت عينيكي أسمر ليه؟"،
"حوالين بُقك أسمر ليه؟"،
"بـ تاكلي كده ليه؟"،
"صوابعك طويلة ليه؟"
متخيلين مدى تأثير كل الكلام ده عليا، وعلى نفسيتي لمدة 25 سنة؟

هو أنا ليه شعري مش حلو زيك كده؟
ليه مش ناعم زى صحابي في المدرسة؟
وليه كل ما ماما تسرح لي أفضل أعيط؟
كان نفسي أفرد شعري في الأفراح
أنا كل صحابي لما بـ يـشوفـوني بـ يـقـولوا لي "إيه الشعر الخشن الوحش ده؟"

وانا طفلة قبل ما أتم خمس سنين، أمي كانت قاصة لي شعري الكيرلي الإسود جرسون،
ودايمًا كانوا أصحاب أختي يسألوها: "أخوكِ اسمه إيه؟"،
فـ تلفت نظرهم للحلق، وتوضح لهم إني بنت.

أنا شعري كيرلي، بس قرايـبـي وماما مش شايـفـيـنـه كده
وماما كل ما أكون نازلة توقـفـنـي تقول لي:
"أنتِ هـ تنزلي بشعرك منكوش كده؟"
لما نكون رايحين عند قرايـبـهـا تقول لي: "أنتِ هـ تروحي معايا بشعرك كده؟ لا لا اعملي شعرك يا إما ما تـجـيـش معايا"

بابا كان دايمًا عاوزني ألبس واسع، مع إن جسمي صغير جدًا،
ولما كنا نروح نشتري لبس، وفيه حاجة على قدي، مش واسعة،
كان بـ يقول لي شكلها وحش عليا.