فاكرة أول مرة اتجرأت ولبست جينز تاني
كنت بـ ترعش من الخوف
حسيت إني هـ تحول لواحدة تانية
واحدة مش عاجباني، واحدة بـ كرهها،
واحدة دمرت مراهقتي.

المدرسة، المراهقة، معايير الجمال، الجسم

كان في مدرسة اسمها سهير أو سهام.
قفلت باب الفصل في حصة دين
وقالت كمية معلومات جبارة في ٣ دقائق وهي مكسوفة جدا.

أنا لابسة البنطلون الغلط النهارده
يا رب ما يـركزوش معايا، يا رب ما يـركزوش معايا
بـ كرههم، بـ كره حياتي.

جم ولدين على حمار، وعدوا جنبنا
وقعدوا يقولوا كلام
كنت خايفة أوي على البنات الـلـي معايا
وهم بـ يعدوا جنبنا، ولد فيهم قرب مني، وعمل كده

عند بابا كان سجن
عايزني أذاكر في كل لحظة
لو قاعدة على الكنبة ثانية معناها إني نايمة
حاسة إني اتحولت لآلة مذاكرة
لما كنت بـ سمع صوت مفاتيحه في الباب،
كنت بـ ترعب، وبسرعة أطلع كتاب.

أنا كان عندي 14 سنة لما كل الناس كانوا بـ يتكلموا عن الضرب، وعلامات البلوغ، وكده
وانا ما كـنـتـش فاهم أي حاجة، وكنت لسه ما بـلـغـتـش
أول ما بَلَغت، كنت مبسوط أوي
وقولت لصحابي عن الحلم في اليوم الـلـي بعديه

أنا زهقت أوي من أهلي
ما أعرفش ليه الناس بـ تقعد تقول دايمًا الأيتام مظلومين،
الأيتام مش عارف إيه
عادي يعني، ممكن تكون حياتهم أسهل بكتير من غير أهل
أنا أصلًا مش عايزة أهلي دول
هم أصلًا بـ يعملولي إيه؟ أنا ما بـ قعدش معاهم

كنت بـ خد جيراني أعذبهم،
نروح مشي من فيكتوريا لإستانلي عشان أبص عليه...
وهم مش فاهمين حاجة

فصلونا عن بعض، البنات في فصل، والولاد في فصل.
أنا قولت أحسن برضه عشان يشرحوا، ونسأل براحتنا، ونفهم.
لكن جت ميس أمنية بعد ما شرحت النص الفوقاني قالت:
"خلاص، أنتوا كده كده قريتوا الدرس لوحدوكوا في البيت".

المدرسة، الدورة الشهرية

أنا ما كنتش أعرف أي حاجة خالص عن البيريود
ولما سألت كل اللي اتقال لي عنها هو تعريفها القاموسي:
الدورة الشهرية هي عبارة عن تغيير فيسيولوجي
يحدث للفتاة أثناء فترة البلوغ وعندما لا يحدث تلقيح للبويضة،
ما فهمتش أي حاجة.