بنتي وهي 9 شهور بيبي، كلت نص صباع حشيش،
كان حاطه في علبة كبريت عـالكومودينو.
أنا لاقيت البت مش طبيعية؛
كانت مدروخة، وعينيها تروح وتيجي،
فـ قولت يمكن علشان لسه صاحية م النوم.
العنف الأسري؛ العنف المبني على النوع؛ العنف الجسدي؛ الجنس؛ الأمومة؛ الإدمان؛ الضغوط الاجتماعية؛ الزواج؛ الطلاق

كان عندي 18 سنة
أبويا كان بـ يضـربني، وهو بـ يقول لي: "هـ تـردي على جوزك كده؟"
قولت له: "وهو جوزي هـ يضربني ويعاملني كده؟"
قال لي: "هـ يكسر دماغك، ولو جيتي لي هـ رجعك له".
العنف الأسري؛ العنف الجسدي؛ العنف المبني على النوع؛ الوالدين؛ الزواج

أنا اتعرضت للتحرش الجنسي جوا بيتى،
من حد قريب منى جدا.

أبويا كان لازم يلاقي حاجة يزعق لي عشانها
يا الطبق مليان بزيادة، يا الشاي تقيل، يا بارد
حتى لو الدنيا برََّدِت، والشباك كان مفتوح حته بس، كان يزعق
علشان كان مفروض أبقى عارفة إنه بـ يـبرَد.

كنت شايف إن يعني إيه أقول لهم مثلًا إني محتاج حنان
محتاج طيبة، محتاج حد يثق فيا، محتاج حد يدعمني
محتاج حد يسمعني، محتاج حد أقعد معاه وأصحابه.

أخوها سمعها وهي بـ تكلمه في التليفون بالليل،
فـ مسكها، شدها من شعرها، وضربها.
تاني يوم كان وشها أزرق في أحمر
وقلعها الحجاب، وقص لها شعرها.

بدأ الضرب في الطفولة من الأب
والحبس في المنزل على أهون الأسباب،
الشك في علاقة بشباب،
وكذلك الضرب من الأخ الأكبر باعتباره مثل الأب،
ثم انتهينا إلى الضرب من الزوج بعد الزواج.

كنت فوقيه
وحسيت بمتعة
ماكانش لسه دخّـله
كنت بحاول أمد إيدي عشان أجيب الكاندومز لما لاقيته حشره فيا فجأة وهو ماسكني من وسطي

كان عندي 15 سنة لما اتجوزت، كان قبل نتيجة ثانوية عامة.
خلفت على طول بعد الجواز، لحد ما بقى معايا ولدين وبنت.
بقالي متجوزة 37 سنة،
وبعدين بعد شوية جوزي راح سافر دولة من الدول العربية،
وباع قبلها كل حاجتي علشان يعرف يسافر،
كان يبعت لي فلوس شهر وشهر لأ.

صلينا ودخلنا الأوضة وقعد هداني شوية.
وبعدين قالي البسيلي قميص،
دخلت لبسته بس ما كنتش عايزة أخرج من باب الأوضة وانا لابسة القميص
قالي: "ربنا يهديكي الحاجة دي لازم تخلص انهارده"
العنف الأسري؛ العنف المبني على النوع؛ العنف الجنسي؛ التربية الجنسية؛ الاشتغال بالجنس؛ كشف العذرية