أخوها سمعها وهي بـ تكلمه في التليفون بالليل،
فـ مسكها، شدها من شعرها، وضربها.
تاني يوم كان وشها أزرق في أحمر
وقلعها الحجاب، وقص لها شعرها.

كنت في ابتدائي لما اتختنت….

كنت عارفة عن الموضوع لأن بنات قرايبي حصلهم ده قبلي،
بس كنت فاكراه حاجة حلوة، وإني لما أعمله هـ كبر، وهـ بقى بنوتة،
كنت عارفة أنا رايحة فين، وهـ يحصلي إيه،
بس ما كـنـتـش فاهمة ده هـ يحصل إزاي.
العنف المبني على النوع؛ العنف الجنسي؛ العنف الجسدي؛ الختان؛ الجنس

أبويا كان بـ يموتني من الضرب من وانا صغيرة، ولحد سني ده
أخويا استقوى عليا منه، وبقى يـ موتني من الضرب بسبب تافه، أو من غير أي سبب

أخويا ضربني في مرة عشان كنت رايحة للدكتـور ولبسي ما عجبوش،
ضربني لحد ما هدومي اتقطعت واتعورت.

روحنا، وفي اليوم ده مش فاكرة غير دكتورة بـ تزعقلي؛
عشان طالبة مني أقلع البنطلون وأنا مش راضية.
إدوني بنج، وقطعوا حتة مني، وما فوقـتـش غير وأنا "آنسة"،
كل حاجة اتغيرت بعد اليوم ده.
العنف المبني على النوع؛ العنف الجنسي؛ العنف الجسدي؛ الختان؛ الجنس

روحنا، وفي اليوم ده مش فاكرة غير دكتورة بـ تزعقلي؛
عشان طالبة مني أقلع البنطلون وأنا مش راضية.
إدوني بنج، وقطعوا حتة مني، وما فوقـتـش غير وأنا "آنسة"،
كل حاجة اتغيرت بعد اليوم ده.

أنا ما عنديش أي ذكرى واضحة لتجربتي مع الختان؛
لأنه من ساعة ما حصل وانا كنت بـ تجنب التفكير في أي حاجة تخص جسمي.
دايمًا حاسة إن فيا حاجة ناقصاني، وإني مش بنت كاملة

لما خرجت، كان فيه ستات كتير من أعمار مختلفة على السلم،
وفى كل حتة، ومتجمعين قدام أوضة كده.

وانا في ابتدائي، كنت بحب مدرس العلوم جدًا
وكنت شاطرة في الدراسة، فـ كان هو كمان بـ يحبني
في أجازة نص السنة، كانوا دايمًا بـ يدولنا واجب كبير نعمله
وفي مرة في الأجازة تعبت، وسافرت القاهرة اتعالج
فما عملتش الواجب ده.

الأسبوع اللي فات حصلت مشكلة مع طليقي واتهجم عليا فـالشارع
وكل ده عشان عرف إن انا وبنتي بـ نشتغل
قال: "لا ما تـشـتـغـلوش!"
ازاى ما نشتغلش وهو ما بـ يدفعش نفقة للعيال؟!
أختى الكبيرة هى اللي بـ تصرف علي البيت، وانا بـ تضايق لما بـ تعمل كده.
أنا قولت له هـ نشنغل ومالكش دعوة بينا.