أنا ما اتعرضتش للختان،
بس أنا عشت في خوف بسببه طول السنين اللى فاتت،
خايفة لما أتجوز ألاقى مشاكل بسبب إنى ما اتخـتـنـتـش، وما أبقاش ست كويسة.

اتعرضت للتحرش من وانا صغيرة من أبي،

أول ما دخلت السجن كنت لسه في التحقيق
وكان فيه ظابط مباحث اسمه مفيد بيه وكان قمة في الاخلاق بأمانة
جت بنت كانت بتاع عشرين سنة كده
العيال دي لحد 18 سنة بـ يبقوا أحداث،
ولما جسمهم يشد بـ يقوموا ممشينهم على السجن
حتى لو عندها 15 سنة بس جسمها شديد يودوها السجن

أعتقد في 4 ابتدائي أخدوني عند الدكتور مع واحدة جارتنا،
كنت خايفة أوي،
والمشكلة إنهم ما لاقوش بنج، وفضلوا يدوروا، قلت الحمد لله
بس لقوا وعملوا ده، وجالي نزيف جامد، والدكتور كان خايف

بابا كان بيضرب بكربـاج وخرزانـة، وعلى أسباب بسيطة ...
كوباية شاى مكسورة أو أكل ما خلصـش!
وفاكرة إنى لما كنت بـ شتكى لأمى، كانت تقولى: "غلطتك انت اللى ضايـقـتـى بابا!"
فكنت فاكرة إن ده العادى ...
الأب بـ يضرب بناته عـشـان يـربِّـيـهم.

لما كنت بعيط وبابا بـ يضـربنى، كان بـ يضـربنى تانى علشـان بـ عيط. وكان بـ يقولى:
"لو عيطت هـ تتـضرب، علشـان الرجالة ما بـ تـعيـطـتـش".
فكان كل همى وانا بـ تضرب إنى ما أعيـَّطـش.

عدى أول يوم العيد في بيت جدته أنا، وهو، وجدته، ومامته،
الكلام بينا اشتد، راح قالي: "هـ طلقك"،
قولتله: "اعملها"،
راح قالي: "أنتِ طالق"،
قولتله: "طيب، أنا هـ روح البيت، هـ آخد حاجتي".

فيه شخص ما راح وصل له هو وابنه، إني عاهرة،
وللأسف هم صدقوه، وحتى محدش فيهم رد غيـبتي،
ومشيوا ورا الكلام ده.
عملوا لي كشف عذرية في 3 أماكن مختلفة عشان يصدقوا إن مفيش شيء من كلامه ده صح.

أنا ما عنديش أي ذكرى واضحة لتجربتي مع الختان؛
لأنه من ساعة ما حصل وانا كنت بـ تجنب التفكير في أي حاجة تخص جسمي.
دايمًا حاسة إن فيا حاجة ناقصاني، وإني مش بنت كاملة

لما خرجت، كان فيه ستات كتير من أعمار مختلفة على السلم،
وفى كل حتة، ومتجمعين قدام أوضة كده.
أنا خوفت جدًا، بس ما كُـنـتـش فاهمة.
بعدين خرج راجل طويل، ومليان، وشايل أخت البنت الكبيرة دي،
وكانت مش لابسة بنطلون، وملفوفة بشاش كتير.