أبويا عمره ما عاملني على إني بنت غالية، والمفروض يـبقى ليها قيمة، وتعزز من نفسها،
مما أدى إلى إني اتـبهدلت في حياتي.
كنت بحبه جدًا، وهو اتجوز على أمي وانا عندي 13 سنة،
ساعتها توهت، واتكسرت، وابتديت أدور على الـلـي اتكسر جوايا مع أي حد يقابلني لمدة 12 سنة.
أنا بـ كرهه جدًا؛ لأنه سبب كسرتي قدام نفسي.
آخر شيء حصل منه هو إن فيه شخص ما راح وصله هو وابنه، إني عاهرة،
وللأسف هم صدقوه، وحتى محدش فيهم رد غيـبتي، ومشيوا ورا الكلام ده.
عملوا لي كشف عذرية في 3 أماكن مختلفة عشان يصدقوا إن مفيش شيء من كلامه ده صح.
اتهنت، واتبهدلت منهم، ضرب وإهانة في الشوارع والمستشفيات،
ومهما قولت، وشرحت يعني إيه كشف زي ده يحصل 3 مرات لبنت،
وكم الوجع والألم النفسي الـلـي جي من وراهم.
لو يرجع بيا الزمن، هـ قنع أمي إنها تنفصل عنه من يوم ما اتجوز حد تاني لأن وجوده مضر.