وجع

وجع

قالوا لى إنى لو اتوجعت ممكن أجى هنا واحكى عن اللى وجعنى ...
وانا عايزة احكى لكن مش قادرة ...
مش فاكرة ...
زمان قررت إنى أنسى واغفر ومن ساعتها بـ نسى كل حاجة وبـ غفر أى حاجة …
فكل مرة كنت بـتوجعنى فيها كنت بنسى اللى عملته واللى قلته ...
وبيفضل بس إحساسى بالوجع ...
الرجاله بـ يفتكروا الأفعال والستات بتفتكر المشاعر اللى بتسببها الأفعال دى ...
أنا مش عارفة أحكى ازاى بـ توجعتنى لأنك بـ توجعتنى كتير ...
ومش عايزة أتكلم معاك لأنى خايفة إن رد فعلك يوجعنى أكتر ... فـبـبلع وبسكت وبـ بتسم
أنا نفسى تعرف إنك أكتر واحد وجعنى فى حياتى ..
وانت اكتر واحد حبيته فى حياتى ...
أنا نسيت انت قلت إيه وعملت إيه ... لكن الوجع مش بـ يتنسى …

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر