أول مرة اجتني كنت عارفة شو يعني دورة،
بس كنت برضه عارفة ومجهزة حالي إنه لازم أخبيها، وما حد يعرف.
خالاتي وخوالي كانوا يهينونا كتير واحنا صغار،
كان يحكوا إنهم رح يجوزوني للشاب الـلـي بـ نضف سياراتهم،
وأنا كنت أصدق، وأعيط.
لما بدت تضاريسي بالظهور، كانت خالتي تعلق على صدري،
ومرة مسكت صدري وهي تتنمر علي أمام باقي العيلة؛ وعذرها إنها بدها أضحكهم.
كنت أحاول أخفي صدري؛ عشان أهرب من التنمر،
وبس اجتني الدورة كنت استخدم قطع ملابس، وبعدين صرت أخبي،
وأسرق من الفوط النسائية بتاعة أمي وخالاتي.
بدها أضحكهم
2019